პელინ ტანი არის სოციოლოგი და ხელოვნებათმცოდნე (დაიბადა 1974 წ-ს). 2001-2010 წლებში იგი იყო მკვლევარი სტამბოლის ტექნიკურ უნივერსიტეტში, სოციოლოგიური მეცნიერების ინსტიტუტში. 2011 წელს პელინ ტანი მიწვეულია მასაჩუსეტსის ტექნოლოგიების ინსტიტუტში, არქიტექტურის და დაგეგმარების სკოლაში, არქიტექტურის განყოფილების ACT (ხელოვნება, კულტურა და ტექნოლოგიები) პროგრამის მკვლევარ თანამშრომელად. მანამდე იგი იყო ნიურნბერგის სამხატვრო აკადემიაში არქიტექტურის და ურბანული კვლევების სამაგისტრო პროგრამის მოწვეული პროფესორი (2008); ასევე მოწვეული ლექტორი ბერლინის ტექნიკური უნივერსიტეტის, ხელოვნების ისტორიის ფაკულტეტზე (2006-2007), და ტრიერის უნივერსიტეტში (2004). ტანი ამჟამად მუშაობს პუბლიკაციაზე „უპირობო (უსაზღვრო) მასპინძლობა და არქიტექტურა“ (გამოქვეყნდება) და არის თანარედაქტორი (სეზგინ ბოინიკთან ერთად) პუბლიკაციისა “დისკუსია საზოგადოებრივ სივრცეზე თანამედროვე ხელოვნებაში“ (Güncel Sanatta Kamusal Alan Tartışmaları (2007). იგი ასევე არის თანამედროვე ხელოვნების ჟურნალის Muhtelif-ის რედაქტორი და ავტორი სტატიებისა ისეთი გამოცემებისთვის, როგორებიცაა: გახდე სტამბოლი. ენციკლოპედია (Becoming Istanbul, An Encyclopedia (2008); როდესაც ნივთები ჩრდილს არ ტოვებენ (ბერლინის მე-5 ბიენალეს კატალოგი) (When Things Cast No Shadow (2008); გადატვირთული მეგასტრუქტურა (Megastructure Reloaded (2008) და თანამედროვე ხელოვნება თურქეთში: 1986-2006 (Contemporary Art In Turkey: 1986–2006 (2007). პელინ ტანი არის სტამბოლში DEPO-ს კურატორული საკონსულტაციო საბჭოს წევრი. იგი იყო კურატორი კვლევებზე დაფუძნებული მრავალი პროექტის და გამოფენის, რომლებიც თანამედროვე ხელოვნებისთვის ისეთ მნიშვნელოვან თემებს განიხილავს, როგორებიცაა: ურბანული ადგილმდებარეობა და სოციალური კონფლიქტები; ალტერნატიული საგანმანათებლო ფორმატები; ინსტიტუციონალური კრიტიკა; სოციალური დამატებითი ღირებულება და გავრცელება. პელინ ტანი ცხოვრობს სტამბოლში და მუშაობს ტრანსლოკალურად.